منتديات الاصلاح الثقافية
اهلا وسهلا بكـ عزيزي الزائر في منتديات الاصلاح الثقافية اذا كانت زيارتك هذه هي الاولى الى منتديات الاصلاح الثقافية يمكنكــ الان الانضمام الى اسرة المنتدى ......


شاطر | 
 

 رواية كتبتها فتاة صغرير عمرها 13

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
انوار الزهراء
ll :: ]] الــمديــر الـــعامــ ]] :: ll
ll :: ]]  الــمديــر الـــعامــ  ]] :: ll
avatar

الأقــــامــــــة : german
المشـاركـات : 44
العمر : 16
تاريخ التسجيل : 09/08/2012
نقاط : 116
السٌّمعَة : 10

مُساهمةموضوع: رواية كتبتها فتاة صغرير عمرها 13   الجمعة نوفمبر 22, 2013 2:17 pm

Razz Razz Razz بسم الله الرحمن الرحيم

ابطال القصه هم :

زينب : بنت طيوبه وحبوبه وتحب كل الناس وحلوة ودلوعه شوى .
خالد :ولد حلو ووسيم اهبل شوى يحب يتحرش في البنات .

عائلة زينب هم :
الام والاب
اميرة : اخت زينب الكبيرة مزيونه ومثقفه جدا وتحب العلم وقراء الكتب .
عبد الله : الاخو الاكبر للبنتين ومتحكم فيهم بكل شي ملتزم جدا .

عائلة خالد :
الام ولاب
جاسم : الاخو الاكبر لخالد مغازلجي وراعي بنات مثل اخوه خالد .
فاطمه : اخت خالد بنت حلوة مغرورة شوى ومتسلطه .
سارة : بنت ضغنونه اصغر بنت في العايلة ومدلعينها .

بداية الرواية لما كانت زينب نايمه وتسمع الصوت الي خلها توصل لي السقف من الخرعه :
الام : ييلا قومي لا تفشلينا اول يوم بتروحين المدرسه اول يوم متائخرة قومي ووجعع .
زينب : ان شاء الله يمه دقيقتين بس مابطير المدرسه .
ورجعت نامت مرة ثانيه...
جان ترفس الام الباب وتدخل عليها معصصبه ..
الام : يعني شنو ماراح اتقومين انا ادري ماينفع معاكم الا الماي البارد .
لما سمعت زينب الماي البارد قامت مثل الصاروخ لبست ملابسها واخدت اغراضها وتركض على الصاله ...تزلت جافت اختها اميرة تقرى كتاب وهي راكبه السيارة من كثر ماهي مركزة على الكتاب طاحت وطاحت قامت وهي مركزة على الكتاب ...
الاب : اشفيج اميرة يابنيتي شوى شوى .
اميرة : شنو اسوي يبا الكتاب وايد حلو .
زينب : يعني كلش احين انتي فاهمه شنو تقرين .
الاب : جب احترمي اختج الي اكبر منج .
زينب : ان شاء الله يبا .
عقب شوى يه عبد الله ...
عبد الله : اوصلهم بيا عنك المدرسه .
زينب : اوووف احين بيعطينا قانين وقواعد لا تسسون جذي ترى حرام ولا تسوون جذي ترى حرام وهو يسوى كل شي حرام يبا مانبيه يوصلنا .
الاب : انتي والاخير معاج اقولج احترمي اخوانج الي اكبر منج .
زينب : ان شاء الله يبا .
عبد الله : اي بيا ادب بنتك تعبت وانا اقولها تئادبي .
الاب : ياولدي يا حبيبي هي مب قصدها شي بس انت وايد مشدد عليهم يا ولدي انت مب ساكن مع قبيلة قريش مربنهم عدل انا الله يهداك بسس .
زينب : يلا بناتخر عن المدرسه يلا اميرة ركبي .. اميرة...اميرة هدي الكتاب ركزي شوى معانا .
فاطمه : اووف شفيكم انتو خلوني اركز ابي احقق حلمي .
زينب : احقق حلمي واحقق حلمي مادري شبتصير عاد اخر شي بتشتغلين فراشه لا وفي مدرستج بعد .
اميرة : يبا جوافها شنو تقول تكسر عزومي .
الاب : خلاص خلاص ركبو السيارة بسرعه اخوكم مستعيل .
في الطريق...تفكر زينب وتقول في نفسها...
زينب : ياربي انا خايفه اليوم اول يوم لي في مدرسه ماعرف عنها شي ولا اعرف البنات الي فيها ياربي شنو اسوي ... خلاص انا بوقف بروحي مالي شغل في البنات احس لي من المشاكل معاهم ...ويقطع صوت تفكيرها صوت اخوها
عبد الله : يلا زينب نزلي وصلنا مدرستج .
زينب : ان شاء الله .
عبد الله : جوفي ترى يم هادي المدرسه مدرسه اصبيان ادا طلعتي من المدرسه لا اطالعين احد وادا قالج صبي تعالي لاتروحين و ...
قاطعته زينب ...
زينب : انزين انزين انا مب ياهله .
عبد الله : عشان مصلحتج يا الغبيه .
تسكر زينب الباب بقوة ... وتنزل بسرعه وتدخل المدرسه ... راح عبد الله ووقفت زينب عند الباب خايفه تدش والحارس يطالع فيها مستغرب ...
زينب في نفسها : لازم ادخل بسرعه ... عادي يلا بسرعه خل ادخل قبل لايشك الحارس في شي .
..دخلت زينب المدرسه مرتبكه .. تطالع حولها وهي تمشي جافت شله بنات قاعدين مع بعض ...وبنت تبيع مكياج واكسسورات الحياة حلوة عندها ..وبنت راقدة ع الكراسي و و و و ..اطالع بستغراب وتقول في نفسها ..
زينب : انا شكلى دشيت بلغلط سوق شنو هادي المدرسه ..قاطع صوتها صوت الجرس .
راحت زينب تدور مكان صفها في الطابور الصباحي...وقفت زينب في الصف ولما كمل الطابور راحت للصف وهي متوترة شوى من البنات
دخلت الصف..المعلمه : يلا يا بنات اليوم في اختبار .
زينب طاح قلبها في بطنها من الخرعه
المعلمه : لا تخافون امزح امزح .
زينب في نفسها : الله ياخدج من معلمه خرعتيني .
وبدت الحصه ممله مافي دراسه قعدت زينب ترسم والبنات يسولفون مع بعض وهي قاعدة بروحها ...
في ديك الالحضات كان خالد توه قاعد من النوم ...
فطوم تدخل غرفه خالد : خالد يلا قوم بسرعه توك قاعد تاخرت بدات الحصه الاولى..
خالد : انزين انتي لا تعورين لي راسي .
فطوم : بسرعه انا مب فاضيه لك عندي مدرسه انا بعد .
خالد معصب يرفس السرير ويقوم ..خالد : قومي عن ويهي لا اعطيج كف بسرعه وين ملابس المدرسه .
فاطمه وهي تعطيه الهدوم : هاك خد ...وتطلع من الغرفه ..لبس خالد ونزل
ام خالد : يلا ياوليدي اشفيك توك قاعد .
خالد : تعبان يمه ...تعبان هاي بنتج دبحتني قوم وقم .
ام خالد : لازم لا ياوليدي اليوم اول يوم في المدرسه لازم تروح من وقت .
جاسم : يلا يلا تعال خل اوصلك واروح الجامعه ترى تاخرت وانا انتظرك .
خالد : يلا ...اووف .
وصل خالد المدرسه ودخل وهو متملل ومتضايق و تعبان وفييه نوومه خطيرة ...
دخل الصف متاخر .
الرجوع الى أعلى الصفحة اذهب الى الأسفل
 
رواية كتبتها فتاة صغرير عمرها 13
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الاصلاح الثقافية  :: ::...ll[ الــأقـــســـام الادبيـــــــــة ]ll...:: :: منتدى القصص الحكايات-
انتقل الى: